Un Libru in Paese

Dipoi u 2016, l’urganisazione di sta manifestazione porta un benefiziu tamantu per u territoriu, face cunnosce l’autori, l’editori, i prudutti d’ognunu è prumove di parechje manere di cumunicazione (rete suciale, radio ecc..) a participazione di a populazione. Sta manifestazione permette di favurì l’accessu à a lettura è di suscità l’interessu di un publicu largu per a lettura sottu à i so sfarenti aspetti. Vene à dì cum’è passatempu, cum’è mezu d’infuramzione, d’educazione è di cultura, à tutti i nivelli. Mette dinò in rilievu e publicazione naziunale, ma ancu è soprattuttu reghjunale per fà cunnosce l’autori è l’editori. Prisenta dunque à a populazione, publicazione di tutti i genari tucchendu sfarenti sughjetti, cumprendu li o cunsultendu li .

La Mostra Teatrale di Pieve hè un festivale di teatru populare dedicatu à a ghjuventù chì prupone ogni estatu, ind’è i paesi di u Nebbiu, cum’è Oletta, testi di u ripertoriu è creazioni per un publicu famigliale, ind’è un spiritu di festa è di spartera.

U 28 di ghjugnu di u 2015 ci hè statu u 1mu trail d’Oletta è hà riunitu 180 participanti. Dipoi tutti l’anni, una centinaia di  curridori sò prisenti per l’associu Montalti aiutatu da a Municipilità d’Oletta. Ancu s’ella hè una corsa detta « corta », di 11 chm, a difficultà stà quatunque prisenta postu chì  i curridori devenu parcorre 700 metri di slivellatu pusitivu ind’è un parcorsu di tippu muntagna.  

U trail d'Oletta permette ancu d’aiutà l’associ. In u 2019, a corsa per i zitelli di 1.5 chm era à prò di l’associu ECLA è a marchja di 7 chm per l’associu Paul Mathieu-Mattei.

A ogni stagione è durante l'annata, Oletta vi face ballà cù i so cuncerti ricchi da a diversità è a qualità di ogni artisti.