QUARTIERI È STRETTE
In Oletta ci hè un patrimoniu culturale, storicu, è sucetale ricchissimu. A storia di u paese hè stata marcata da avenimenti impurtenti, U Cumplottu d’Oletta, a storia di Maria Gentile, u miraculu di u Romanacce… da seculi è seculi tanti omi è donne si sò distinti par via di u so mistiere, u so curagiu, a so passione, u so destinu felice o tragicu, in Oletta o puru al dilà di i cunfini di a cumuna. Era più chè ora di mette à palesu tutti issi avenimenti è issi destini chì sò a storia di u nostru paese.
Hè què a regione chì a municipilità hà decisu di dà à e strette, i casamenti è i spazii publichi i nomi d’avenimenti o di persunaghji chì anu impustatu a nostra cumunità paisana.
Hè un modu di fà ch’ellu firmessi u so ricordu, hè un duvere di memoria, da ch’ella cunnoschi megliu e so radiche a leva nova è da rinfurzà li u so sentimu d’appartinenza à u so paese.