E CUNDIZIONE INIZIALE PER MARITASSI

Per ch’un matrimoniu civile sia prununciatu, i futuri sposi devenu risponde à ste cundizione

- Esse magiore (18 anni)

- Ùn ci vole micca à esse maritatu, ch’ellu sia per raportu à a legge francese o d’una legge straniera.

- Ùn ci vole micca à avè un liame di parentia o ch’elli sianu micca apparentati

- Ognunu deve cunsente à u matrimoniu di manera libara.

E DIMARCHJE D’UN MATRIMONIU CIVILE : TUTTE E FURMALITÀ

ÙN CI VOLE MICCA À SCURDASSI

U matrimoniu pò esse celebratu ind’è a cumuna induve unu di i futuri sposi stà o hà a so residenza stabilita dipoi menu d’un annu à a data di publicazione di l’annunzii publichi. U matrimoniu pò esse ancu celebratu ind’è a cumuna induve i parenti di unu di i futuri sposi stanu o hà a so residenza.

CUNSTITUZIONE DI U CARTULARE DI MATRIMONIU
A cunstituzione iniziale d’un cartulare hè indispensevule. I ducumenti da furnisce ponu varià in funzione di a situazione di ogni futuri(e) sposi(e). Cunvene di cuntattà u Serviziu di Statu civile (Matrimoniu) per ottene tutte e precisione necessarie. A data di u matrimoniu hè fissatu cù u serviziu à u mumentu di u depositu di u cartulare cumplettu durante un appuntamentu.

U cartulare di matrimoniu o Guida di futuri sposi hè da ritirà in merria.

Lista di i ducumenti da furnisce- pichjate quì

U cartulare cumplettu deve esse spostu in merria di a cumuna scelta per a ceremonia, un mese prima a data prevista di a ceremonia. Una cunfirmazione di i futuri sposi è di i testimoni hè necessariu 8 ghjorni prima.