A cumuna d’Oletta hà abbastanza risorse in acqua  per permette u so sviluppu generale è demograficu. Hè traversata da u fiume Alisu. L’infrastrutture di a reta di l’acqua potabile di a cumuna si stende nant’à 16 chm. A reta hè alimentata da a tafunera di l’Alisu situatu in piaghja è da parechje colte d’acqua situate à u pughjale di a muntagna.

Ma una parte di a so reta di distribuzione hè vechja è ùn assicureghja più u so rollu principale. Hè per quessa chì i travagli chì saranu realizati, saranu in una dimarchja di prutezzione di a risorsa in acqua, di a sicurezza di l’alimentazione in acqua putabile è di a limitazione di i scomudi ambientali.

Risorse

Per ameliurà u funziunamentu glubale di a reta, una dumanda di mudificazione di l’arristatu di prelevamentu  hè stata effetuata ind’è un scopu di fà cresce u vulume di prelevamentu à l’ora per alimentà a piaghja durante l’estate (vene à dì 40m³/ora à 100m³/ora).

Pruvista

Hè previstu di reabbilità a cisterna di Tuda, Muntaghjò è Guadu in Là, di mette in piazza un gruppu elettrogenu  à u nivellu di u lucale di a stazione di pumpamentu ind’è u fiume d’Alisu, chì permetterà d’assicurà a distribuzione di l’acqua potabile s’ellu ci hè una tagliatura di u curante, è infine, di mette à nivellu u sistemu di telesurveglienza per pudè seguità in tempu reale a marnatura di e cisterne è i debiti transitendu ind’è a reta.

E rete

I travagli attuali permettenu di supprimà e parte di i debiti di i sfughjimenti d’acqua è d’ameliurà u rendimentu di a reta per avè un rendimentu ricercatu di 90%. Hè stata creata una reta d’acqua putabile per tutti l’agricultori di a piaghja.

Cuntadori
Ci sò stati 5 cuntadori stallati nant’à l’opere di  colte d’acqua per permette l’evaluazione di i debiti chì venenu di e risorse è di a cunfurmità per raportu à i debiti autorizati.

Cuntrollu di a qualità
A qualità di l’acqua hè cuntrullata parechje volte da u serviziu di l’Uffiziu d’Ecchipamentu Idrolicu di Corsica è trasmessa à l’Agenzia reghjunale di a salute è à a cumuna.

A cumuna d’Oletta hà una reta di risanamentu cullettivu, chì permette l’evacuazione è u trattamentu di l’acque brutte.

A cumuna assicureghja u cuntrollu d'appiccicatura à a reta di culletta, di trasportu è l’epurazione di l’acque brutte, è di l’eliminazione di i lozzi prudutti. Hè respunsabile di u cuntrollu di l’installazione di u risanamentu ch’ùn hè micca cullettivu.

Ubligazione d'appiccicatura.

Sè una casa hè custruita dopu a messa in serviziu di a reta cumunale di risanamentu, l'appiccicatura deve esse fatta durante a custruzzione di a casa.

Certi casamenti sò dispensati d'appiccià si per esempiu quand’ellu ci hè un impussibiltà tecnica o quandu u prezzu hè esageratu. Pò esse u casu, per esempiu, d’un casamentu piazzatu sottu à un cundottu. 

Ci vole à mandà una dumanda d'appiccicatura à a merria. Se vo avete una risposta pusitiva, site ubligati di stallà un sistemu di risanamentu autonomu.

Rinsignamenti in Merria d’Oletta à u 04.95.39.01.09 o pigliendu un appuntamentu (a matina)