Le Grand Site de Conca d’Oru, vignoble de Patrimonio – golfe de Saint Florent hè un situ emblematicu di Corsica. Si caraterizeghja da un’armunia di u so paisaghju liata trà a Terra è u Mare induve si trove un equilibru di culore è di rilievu, di richezze vegetale è minerale, di spazii naturali è abitati.

Dipoi u 1^mu di Ghjennaghju di u 2018, un Sindicatu Mischiu assicura a gestione di u Grand Site de France, quellu di u so labellu, è coordona a messa in opera di u pianu di gestione. Stu Sindicatu Mischiu hè cumpostu di a Cullettività di Corsica, a cumunità di cumuna di u Nebbiu Conca d’Oru è e sei cumune di Barbaghju, Farinole, Oletta, Patrimoniu, Poghju d’Oletta è San Fiurenzu

Oletta participeghja dunque à i quattru ughjettivi strategichi di u Grand Site :

• Cuntinuà è rinfurzà a prutezzione, a resturazione è a gestione durabile di u paisaghju,
• Megliurà a qualità di a scuperta è di a frequentazione di u Grand Site
• Sviluppà un turismu durabile è identitariu fundatu nant’à a cumplementarità terra/mare,
• Ammaestrà è prumove u Grand Site, sparte l’identità è u spiritu di i lochi.

Site: https://www.grand-site-concadoru.fr

Facebook : Grand Site de France Conca d'Oru, Patrimoniu - Saint Florent

Tél: 04.95.55.11.67 

Email: maison@gsfconcadoru.fr