PRINCIPIU
A declarazione di nascita hè ubligatoria per tutti i ciucci.

Attenti : per i parenti ch’ùn sò micca maritati, a dichjarazione ùn vale micca a ricunniscenza, fora di a mamma s’ella hè designata ind’è l’attu di nascita di u ciucciu. Per fà a lea di filiazione, una dimarchja di ricunniscenza vulintaria deve esse effettuata.

COMPORTU
A dichjarazione deve esse fatta ind’è i 3 ghjorni chì seguitanu u ghjornu di a nascita. Sè u ciucciu nasce un mercuri, un ghjovi o un vennari, issu cumportu hè rimessu à u luni chì vene. Una nascita, ch’ùn hè micca stata dichjarata ind’è issu cumportu, deve esse scritta nant’à u registru cù una prisentazione d’un ghjudicamentu resu da u tribunale di gran precura induve hè natu u ciucciu. 

DIMARCHJE

A nascita hè dichjarata da u babbu, o da u duttore, a mammana o un’antra persona chì era prisenta à u partu.

A dichjarazione di a nascita hè fatta à a merria di u locu di nascita.

RICUNNISCENZA
Quandu i parenti ùn sò micca maritati, a filiazione d’un ciucciu si face d’un’antra manera per raportu à u babbu è a mamma. A filiazione materna hè automaticamente stabilita quandu u nome di a mamma figura nant’à l’attu di nascita. Ma, per a paternità, u babbu deve ricunnosce u so ciuciu.

A ricunniscenza pò esse fatta ind’è a merria di a so scelta prisentendu :

- un ghjustificativu d’identità

- un ghjustificativu di dumiciliu o di residenza (- 3 mesi) .