TAPPE

U librettu di famiglia hè rimessu automaticamente da a merria à i sposi durante a celebrazione di matrimoniu, o à i parenti ch’ùn sò micca maritati quandu nasce u primu ciucciu. L’attualisazione regulare di u librettu famigliale hè à a caricà di u (i) so titulare(i) chì deve(nu) prisentallu à l’ufficiale di statu civile cuncernatu à ogni cambiamentu di situazione famigliale.

S’ellu ci hè un divorziu o una separazione, un secondu librettu di famiglia (duplicata) pò esse rimessu à u parente ch’ùn hà micca u librettu.

Un secondu librettu di famiglia pò esse rimessu s’ellu ci hè statu una perdita o un’arrubera o una distruzzione.

Duvete mandà l’infurmazioni chì cuncernenu l’atti di u librettu da ricunstituì (casata, nome, data, locu di nascita…(duc PDF - dumanda in sù), una copia di a vostra carta d’identità, ghjustificativu di dumiciliu, ghjustificativu di divorziu o di separazione…)