Per assicurà u nostru paese un dispusitivu di videosurveglianza sarà stallatu nant’à a cumuna ind’è i lochi sensibili (stabilimenti publichi, arnesi publichi, stradame…). U dispusitivu garante di l’intimità di l’abitanti hà cum’è scopu a securità di a pupulazione. St’arnesi chì hà ottenutu l’avallu di u prefettu hè ancu finanzatu da u Statu è a Cullettività di Corsica.
Indirizzi precisi sò stati messi in piazza nant’à l’inseme di u territoriu à traversu a numinazione di tutte e strette di a cumuna è a posa di numeri per ogni casa di manera à eliminà i sbagli di distribuzione di u currieru è di permette ancu a stallazione di a Fibre.
A creazione di una casa medicale ind’è i lucali di l’anziana ciucciaghja è di u cabinettu medicale hè attata da i duttori, da l’Agenza Regiunale di a Salute è da a cumuna. Permetterà d’assicurà una securità sanitaria à l’abitanti d’Oletta ma ancu à l’altre cumune di u Nebbiu. Sta casa medicale accuglierà i nostri 3 duttori generalisti, infirmieri cuurdinatori ma ancu permanenze assiucurate da i duttori spezializati è da intervenenti paramedicali. Sta creazione sarà finanzata da l’Angenza Regiunale di a Salute, a Cullettività di Corsica, u Statu è a cumuna.
Un mercatu hè statu attribuitu per mette in piazza un postu di rialzatura à u paisolu di Muntaghjò, di stallà un sistemu di telesurveglianza di e rete ma ancu un novu dispusitivu di clurazione di e riserve. A stazione di pumpamentu sarà munita d’un gruppu elettrogenu chì permetterà d’assicurà a distribuzione di l’acqua potabile s’ellu ci hè una tagliatura d’eletrecità. Una rinnuvazione di e rete di a piaghja è di e reserve hè ancu prevista.
Perchè tuttu principia da l’educazione, i travagli di reabilitazione di a scola offre à i zitelli un ambiente sculare di più accugliente. A cumuna cù a squadra pedagogica anu cum'è scopu di megliurà i mezi per fà evuluà a pratica di u numericu à tutti i zitelli scularizati. E furniture sculare sò furnite gratuitamente à i sculari. A cumuna dispunerà da quì à pocu d’una sala di feste tutta rinuvata è accessibile à tutti. I travagli finanzati da u Statu, a Cullettività di Corsica è a cumuna anu principiatu è duveranu compie si st’estate. Cusì a cumuna averà un locu di scontri è d’ameliurazione di grande qualità.
A cumuna hà cum’è prughjettu di creà un City Stade addussatu à a scola per permette di risponde à i bisogni di i giovani chì volenu praticà sfarenti sporti in un locu piacevule.
L’inseme di a reta di i lumi publichi hà fattu l’ughjettu d’un diagnosticu chì hà permessu di definisce un prughjettu d’ecunumia d’energia è di riduce di 70 % a spesa in eletrecità rimpiazendu 450 punti di lumi publichi da lumi in LED. U dignosticu è u prughjettu sò digià finanziati. A pulitica di rinfurzamentu è di sutteramentu di e rete anu principiatu è saranu cuntinuati.
Cù a crisa sanitaria, simu stati ubligati d’adatassi è di cambià i nostri abitudini prufessiunali. È dunque u teletravagliu hè statu di più in più adupratu.
Cù a ghjunta di a Fibre, sarà pussibile di creà un spaziu di coworking. Permetterà in un primu tempu di rompe l’isulamente, u cuncettu hè assai interessante per quelli chì anu prughjetti è per l’impresarii chì travaglianu soli è in casa.