TAPPE:
U pattu civile di sulidarità (Pacs) hè un cuntrattu. Hè cunclusu trà duie persone magiore, di sessu sfarentu o di u listessu sessu, per urganizà una vita cumuna.

Per pudè cunchjude un Pacs :

• Ogni cumpagnu deve esse magiore. Sè unu di i cumpagni hè stranieru, deve avè l’étà di a magiurità fissatu ind’è u so paese.
• I cumpagni ùn devenu micca esse maritati o pacsati.
• Ùn devenu micca avè leami famigliali diretti.

U locu d’arrigistramentu di u Pacs dipende di u locu di residenza cumuna di i futuri cumpagni. Per a dichjarazione cunghjunta d’arregistramentu di u Pacs, i futuri cumpagni devenu prisentassi in persona è inseme à  l’ufficiale di u statu civile di a merria di a residenza cumuna. Devenu avè i ducumenti uriginali è a carta d’identità.

Per piglià cunniscenza di e mudalità d’un Pacs, cunsultate a nutizia Pacs (in sù)
Puvete caricà i furmularii da riempie per cunstituà a dumanda di Pacs. Liame serviziu publicu.

Sti ducumenti duveranu esse prisentati à l’ufficiale di u statu civile. Dopu verificazione di i ducumenti, un appuntamentu sarà fissatu à u telefonu per a signatura (arragistramentu di u Pacs).