CARRUGHJU RENÉ MASSIGLI
(22.03.1888, Monptellier – 03.02.1988, Parigi)

René Massigli è a moglia sò stati proprietarii d’una villà di vacanze à e Cavallacce da l’anni 40 à l’anni 70. Anu ricevuti in issa casa impurtente persunalità è omi pulitichi cum’è u cancellieru brittanicu Thorneycraft o u scrittore Julien Green.

Nurmalianu, agregatu di storia, passatu per a Scola Francese di Roma, René Massigli entre à u ministeru di l’Affari Strangeri in u 1919. Diventa capu di u serviziu francese di a Sucetà di e Nazione qualchì dece anni dopu, hè numinatu direttore aghjuntu di l’affari pulitichi è cumerciali di u Ministeru di l’Affari Strangeri in u 1933, po direttore in u 1937. À l’entre di u 1943, u generale de Gaulle, chì li hà propostu e funzione di cummissariu à l’Affari Strangeri di a Francia Libara, u face parte da a metropoli. Tene issu postu sinu à sittembre di u 1944, è tandu sceglie di ripiglià e so funzione d’imbasciatore. Cusì, più di dece anni, hè da Londra chì René Massgli suveta a pulitica strangera di a Francia. U sboccu di a so carriera sarà in u 1955, quandu u Presidente di u Cunsigliu, è Ministeru di l’Affari Strangeri, Pierre Mendès France, u numineghja secretariu Generale di u Ministeru è ci cumpiarà a so carriera.

CARRUGHJELLU SANTA CROCE

In referenza à a cappella Santa Croce, sede di a confraternità Santa Croce, issu chjassu ci sbocca direttamente. Infatti, hè issa anziana chjesa ch’elli s’adunianu i membri di a confraternità di a Santa Croce chì ne avemu ritrovu i statuti. I 21 primi capituli sò stati letti è appruvati da Giacomo Ruscone, Vescu di u Nebbiu, u 22 d’Ottobre di u 1607, ciò chì accerta l’anzianità di issa confraternità.