NOTA D’INFURMAZIONE:

L’attestazione d’accolta hè un ducumentu securizatu, riempiutu è firmatu, da tutte e persone francese o straniera, chì vole accoglie un « ressortissant » stranieru chì cerca à vene in Francia per effettuà un seghjornu ch’ùn eccede micca più di 3 mesi. Ci vole à riempie un ducumentu per ogni stranieru accoltu. Ma, u (a) cumpagnu(a) è i zitelli minori di u stranieru accoltu sò nant’à a listessa attestazione d’accolta.

A persona chì accoglie u stranieru deve pone a so dumanda in avanza (un mese), per chì l’attestazione possa ghjunghje à u so destinatariu ind’è un cumportu compatibile cù quellu riquistu per l’ottenzione di un visa. Duverà riunì i ducumenti necessari è piglià un appuntamentu in Merria d’Oletta (04.95.39.01.09).
Dopu esamine di a dumanda è inchiesta eventuale, l’attestazione d’accolta validata sarà rimessa à a persona chì accoglie è sarà incaricata di dalla à u so visitadore.

L’ubligazione di prisentà l’attestazione d’accoltu s’impiega à tutti i stranieri ancu à quellu ch’ùn sò micca sottumessi à l’ubligazione di visa.

Sò dispensati i « ressortissants » di l’Unione Auropenana, i « andorrans » è i « monegasques », i titulari d’un visa di circulazione Schengen, valavule 1 annu minimu per parechje intrate, i titulari d’un visa carta di seghjornu da sullicità ind’è i dui mesi dopu a ghjunta, e personne chì facenu un seghjornu umanitariu o ind’è un quadru d’un scambiu culturale, sottu à cundizione, e persone chì venenu in Francia per ragione medicale urgente per raportu à una maladia grave o per un interru, sottu à cundizione.

A sottuscrizzione da quellu chì alloghja o u visitadore stranieru d’un cuntrattu d’assicuranza hè ubligatoria.  :
« Couvrant à hauteur de 30 000 euros au minimum l’ensemble des dépenses médicales et hospitalières susceptibles d’être engagées pendant toute la durée du séjour en France »
« Avec des garanties de rapatriement permettant à l’étranger qui pénètre en France d’assurer les frais inhérents à son retour jusqu’au pays de sa résidence habituelle ».