A chjesa Sant’Andria hè stata edificata trà u 1777 è u 1817 pè rimpiazzà l’anzianu santuariu Sant’Andria Vechju chì si ne falava. Hè stata classificata monumentu storicu l’11 di ghjugnu di u 1956 pè a so qualità architetturale, a richezza di i so decori barocchi, è numerose opere d’arte, frà elle, un tritticu di u principiu di u XVI^simu seculu.

Datatu da u 1390, l’edifiziu hà rimpiazzatu quellu di u Medievu. Hè unu di i più anziani cumbentu di u Nebbiu classificatu 3^zu nant’à l’isula à u capitulu di Narbona in u 1260. U numaru di frati ùn hè mai statu assai impurtente. Cumpostu di vinticinque cellule, ci era 18 frati cù 3 preti è qualchi clerichi.

E croniche contanu cà u XVs seculu u prete celebrava l’uffiziu cù duie pistole sottu l’altare per calmà i fideli. Durante a lotta per l’indipendenza di l’isula, i frati parcorranu a campagna à cavallu per mubilizà a ghjente à a causa naziunale. Parechje cunsulte sò state fatte à u cumbentu: u 7 di sittembre di u 1745, u 6 di maghju di u 1747, u 1mu d’aostu di u 1750, u 23 di maghju di u 1753.

In u 1758, Pasquale Paoli ne face una stamperia naziunale, la Stamperia della verità, induve parechji articuli cù cuntinuti storichi o filosofichi fubbenu editati. « François Piazza,   aggregatu di talianu, titulare d’un dutturatu sustenutu in Sarbonne, ci chjarisce nant’à l’opere di ghjustificazione è i lochi di stamperia à u XVIIIs seculu in Corsica. Spiega à u publicu chì a stamperia di u cumbentu d’Oletta ùn avia mai esistatu. A menzione di stamperia à u cumbentu era impiegata di manera simbolicu ». In u 1768, i Francesi sbarcanu in San Fiurenzu, si piglianu Oletta è l’uccupanu.

In u 1769, stallanu u quartieru generale à u cumbentu. U 13 di ferraghju, l’abbatu Francescu Antoine Saliceti, i so parenti è i so amichi partenu d’Oletta, uccupatu da i suldati di M.d’Arcambalé. Da quì, parterà a so uffensiva contru à a truppa di Paoli chì truverà u so epilogu l’8 di maghju di u 1769 cù a scunfitta di e truppe naziunale in Ponte Novu. U cumplottu contru à l’occupanti francesi chjamatu « a Cunspirazione d’Oletta », urganizatu da l’abbatu Saliceti dettu «  Peverino » à a dumanda di Pasquale Paoli, fù parata dopu à parechje dinuzie. 5 ghjuvanotti fubbenu cundannati, torturati è privati di sepultura.

Trà elli, ci era Don Petru Leccia, 25 anni, suppliziatu di a rota, u so corpu devia stà spostu nant’à a piazza publica. Maria Gentile, a so prumessa, li dà una sepultura cristiana ind’è a cappella conventuale. U so curagiu suscita a clemenza di u General de Vaux. Sopra à a porta laterale di u cumbentu hè spostu una placca cummemorativa chì ramenta u martiriu di i 5 patriotti torturati è privati di sepultura cristiana u 25 di sittembre di u 1769.  

In u 1769, i relighjosi fubbenu scacciati, po stallati tornu una volta in u 1854 prima di parte definitivamente di u cumbentu durante a separazione di a Chjesa è u Statu. Di ghjennaghju di u 1915, u cumbentu d’Oletta accoglie 120 internati. Qualchi mesi dopu, civili d’urigine tedeschu o "austro-hongroise" intarpellati ind’è d’altri dipartimenti saranu internati. U 17 di sittembre di u 1917, un annu prima a so chjusura, cuntemu 150 internati vene à dì 43 Tedeschi è 53 "Austro-hongrois" chì campanu ind’è u campu. Trà u 1939 è u 1945, l’armate successive uccuponu i lochi è l’impieganu cum’è dipositu. Ind’è l’anni 1960, u cumbentu San Francescu era animatu da sore. Stella, l’ultima sora, hà campatu cù candele sinu à u 1990. Hè statu dece anni inoccupatu prima d’esse « squatté ».

L’edifiziu di trè piani in ruina cù 17 cellule di frati, hè statu messu in vendita à a fine di l’ultimu seculu. Ùn ci era eletrecità, è una sola cannella, tavule sfundate, tufoni ind’è u tettu in teghja è a so chjesa sacchighjata. A cumuna ùn pudia micca pagà a resturazione, rinoncia dunque à u so dirittu di pruprietà. In u 2001 divente a pruprietà d’un particulare, prutettu è messu in vale da l’assuciazione VMF, Patrimoine en mouvement, creata in u 1958. A cappella di a fine di u XIIs seculu è di u principiu di u XIII seculu, pruprietà di l’associu, hè prutetta è inscritta à i Monumenti storichi cù un arrestatu di u 29 di nuvembre di u 1974.

À l’origine di sta cappella funeraria nant’à a cullina di u Muzzellu : François de Rivarola, Tenente Generale di l’isula di Malte à u serviziu di l’Inghilterra (prinicpiu di XIXs). I so antenanti eranu partuti di u feudu di Rivarola ind’è u territoriu di Mantoue è si stallonu in Genova induv‘elli piglionu a casata di Rivarola.

À u XVs seculu, Gregorio Rivarola fù gradatu da l’imperatore Maximilien à a dignità di u Comte palatin. Charles Quint aghjunghje à l’arme l’agulu imperiale da u dicretu di u 15 aprile di u 1533.

I Rivarola stallati in Corsica (in Bastia è in Oletta) si sò ralligati à a causa di Pasquale Paoli. Antonio Rivarola è a so surella a Monaca eranu i so fideli è agenti sicreti in postu in Livornu. (Ci vole à sapè chì Nicolo di Rivarola hà ricevutu u primu viaghjadore britanicu è scrittore James Boswell ind’è a casa famigliale in Oletta, durante u so giru di a Corsica per scuntrà Pasquale Paoli).

U paisolu di Romanacce hè statu abbandunatu ind’è l’anni di u 1942. L’abitanti anu campatu senza acqua, ni eletrecità. L’unica surghjente era quella di a funtana, sempre prisenta oghje. Ancu sè u paisolu ùn hè più abitatu, campa sempre à traversu u Miraculu di a pittura di a Vergina Maria (1737).

A cappella Sant’Antone si trove à u Romanacce, vicinu à a Casa di u Miraculu. St’edifiziu cù un pianu allungatu hè furmatu d’una sola navata, cuperta d’une volta in arcu sbassatu, cù in facciata un campanile muru nant’à l’elevazione anteriore. 

Rinuvata in u 2017, dà una siconda vita à u paisolu è permette à a ghjente di ritruvassi ind’è stu locu pienu di storia.  

Scuperta da Mma Moracchini-Mazel ind’è a piaghja d’Oletta, sarebbe stata custruita per San Grégoire le Grand. Cumposta d’una sola navata à abside, seguita l’urientazione regulare à levante è prisenta picculi dimensioni di 8.20 m x 4.75m. Era fatta di pettre di calcare. Una sepultura hè stata scuperta vicinu à l’abside. Bè cunservata ind’è l’inseme, era cunstituita di teghje, à l’usu “a capuccina” ind’è un stile chì s’asumiglia à quellu di l’epica rumanu. À l’internu un scheletru longu di 1.80m.

Nant’à e cime si trove una grotta induve speleologhi anu scuperti di ghjennaghju di u 1991, ghjacimentu d’ossi d’animali fossili ind’è u fondu d’un’inzecca assai stretta di più di quaranta metri di prunfundezza cù parechje cavità. U ghjacimentu hè assai ricca, ci hè statu trovu millai d’ossi cum’è quellu di u prolagus dettu “lapin rat”, d’un cynotherium (una sorte di cane), d’un cervu di Caziot, quellu d’un suinu (cignale di l’epica), ecc... L’ossami i più anziani sò anteriori à 35 000 anni. Oghje tutti sti mammiferi anu smaritu ma fermanu prisenti ind’è e prunfundezze d’Oletta.

In u 1871, François Piazza, merru di a Cumuna d’Oletta è cunsiglieru generale di u cantone, assuciatu à M. Meynard, creò un attellu di varmu à seta è un centru d’esame cellulare.

In u 1900, ci era 84 allevi ind’è u paese producendu guasi 3 000 chilò di cucculu.

U centru d’Oletta pudia arricà una quantità impurtente di granelle pè a Francia, l’Italia, è a Syrie.

Sottu à a tomba, si pò vede e vestiche d’una cava di marmaru. Sò stati cacciati duie sorte di marmaru : « la brèche dorée » quellu chì u Vatican li piacia tantu è « la fleur de pêcher » (munumentu di i morti di San Fiurenzu). A cava fù sfruttata nanzu à u 1914. U sfruttamentu fù ripigliatu dopu l’ultima guerra. Un frammentu di a culonna di marmaru d’Oletta fù spostu à l’Espusizione universale di Parigi in u 1855 è parechji oghjetti fubbenu mandati à l’Espusizione di Londra in u 1862. (Si ritrova ancu un marmaru rossu d’Oletta ind’è a chjesa Santa Maria di Bastia è parechji pezzi di marmaru sò cunservati à u museu di Bastia).