Sta funtana di u 1856 si trove à l’intrata di u paese. Hè cumposta di una volta in manicu di sporta. Hà un bacinu di ricolu chì alimenta a funtana, cumplettata di dui banchi murati è d’un bacinu chì forma un abbiveratoghju per e bestie. Cunnisciutu per a so acqua fresca, i paisani andavanu à circà l’acqua cù e ciarette. 

A funtana di l’amore avia una piazza impurtente per i paisani di prima. Era un locu di scontru induve passione amurose nascianu.

Sta funtana si trova nant’à u chjassu d’Oletta falendu à u cumbentu di San Francescu.

Prima era una surghjente d’acqua putabile utilizata da l’inseme di l’abitanti po hè stata rimpiazzata da una funtana. 

Datata trà u XIXs è XXs seculu, hè cumposta d’un arcu sbassatu, situatu à « lieu-dit Fossi ». Hà un bacinu di ricolu chì alimenta a funtana, cumplettata di dui banchi murati.

Sta funtana si trove à u paisolu Romanacce è  hà cunnisciutu tante storie. Era l’unica surghjente d’acqua per l’abitanti. Chjuchi è maiò andavanu parechje volte à circà l’acqua per lavassi, per cucinà…

Prima sta funtana ùn era ch’una surghjente è era utilizata per pulì i cabinetti publichi.  Oghje hè un locu di scontru è di spartera per i ghjovani è per i più anziani.