Lieu-dit « Corsu »
Una di e figliole di a famiglia Gueirard, Hélène s’era maritata cù Philippe Epaminondi. In u 1971, u coppiu hà sceltu di rinuvà un mulinu situatu in bassu di u fiume per fà una casa. À principiu stu mulinu appartenava à Jean Giles Clavesani, po à a famiglia olettesa Rimassa-Romanacce. U mulinu avia dui piani. Era un mulinu per l’oliu è funziunava duie volte per annu quandu era u mumentu di fà e racolte d’alive. Ci era dinò un caminu. Po hè statu vindutu à a famiglia Epaminondi. Oghje stà Philippe Epaminondi, paisagistu.
Lieu-dit Preschi « Pratone »
Un fiumicellu parte da u mulinu Epaminondi per ghjunghje sinu à qualchi metri di l‘anzianu mulinu di Ange-Noël Leccia ch’era statu compru da a famiglia Montiggiani.
Lieu-dit Guallo
Dopu à u stadiu municipale, si trove u mulinu di Leccia-Tozza chì appartene oghje à a famiglia Bonavita è chì hè ind’è un statu currettu allora ch’ùn hè micca occupatu. Stu mulinu ghjuvava à produce a farina castagnina.
Lieu-dit Guallo Piano
Stu mulnu hà inspiratu u nostru pueta, parullaghju olittese Dumenicu Marfisi. Hà scrittu e più famose canzone di varietà corse. Dumenicu Marfisi avia l’abitudine di discutà cù quellu chì esplutava u mulinu, Andria Leccia. U mulinu appartenava à u principiu à a famiglia Saliceti po à a famiglia Agostini. Era u più cumplettu perchè avia trè sistemi independenti : granu, castagnu è alivu. A famiglia Leccia hà sempre ricordi di cunvivialità chì animava stu mulinu cum’è d’impurtente serate.
Lieu-dit Vignale
Nant’à piani datati di u 1846, si pò situà dui mulini nant’à e cime di Saint-Exupery. Oghje sti dui mulini sò in ruina è cuperti di machja. Appartenavanu à François Ginestra è à Pierre-Marie Ginestra.
Appartenava à Don Jean Clavesani è facia a farina castagnina, di granone è d’orzu. L’ultima persona chì hà splutatu u mulinu era Andria Leccia. Dopu hè statu compru à a famiglia Montaggioni da u vignaghjolu Pierre Leccia. Più tardu a famiglia Gueirard si stalla ind’è l’annate sessanta è creò un centru per i zitelli in difficultà, u Centru Saint-Exupéry. In u 1968, fù creatu 6 altri mulini cum’è quellu di Saint-Exupery è ognunu pudia accoglie un gruppu di 10 zitelli da 3 anni à 13 anni. Oghje s’hè trasfurmatu in casa cù u travagliu di Arnaud è Maite Cazenave.