In cima di u paese, u quartieru si hè custruitu ingiru à u castellu custruitu da a famiglia Montalti è i so descendenti chì arregnonu nantu à u rughjone da l’annu mille sin’à a fine di u Medievu.

CARRUGHJU PETRONE MONTALTI

(09/01/1911 Oletta – 19/09/1996 Parigi)

Ver di l’annu 1000 a putente famiglia di Petrone Montalti signurava u Nebbiu è trovanu e vestighe di u so furtinu medievale da sopra à u paesolu di e Romanacce. Più tardi, a famiglia di Petrone Montalti si farà custruì un castellu à u Muntaghjò.

STRETTA PRETE SALICETI DETTU PEVERINU

(Oletta ? – 1769)

Francesco Antonio Saliceti, abbate dettu « Peverinu ». Nativu d’Oletta, esciutu d’una famiglia influente, l’abbate Francesco Antonio Saliceti fù reverendu pievanu di Patrimoniu. U cugnomonu Peverinu causa di u so carattaru argutu è di i so impegni fermi è risolti. Pasquale Paoli s’indirizzò à l’abbate Saliceti è l’incaricò di missione di sustegnu in quelli tempi di guerra. Una di isse missione sbuccarà nantu à une di e passate e più nere di a storia di e rivolte corse di u diciotessimu : u Cumplottu d’Oletta. Sarà tombu in piaghja d’Oletta andendu à batte si in Barbaghju.

STRETTA DI U BELVEDERE :

Hè un locu cù una vista magnifica. Supraneghja u paese, a chjesa è u golfu sanu. U nome di Belvedere li sende d’incantu.

STRADA DI U PRETE PERGOLA
(24.06.1900 Venaco – 11.02.1985, Oletta)

Prete d’Oletta da u 1948 à u 1985. Hà fattu e ricerche assai nantu à a storia di u Nebbiu. L’abbate Jean-Jacques Pergola hà pigliatu e so funzione di curatu di a parochja d’Oletta u 21 di sittembre di u 1948. U so ministeru hè statu u più longu sinu à avà : 37 anni.

Cunnisciutu  per u so gran sapè è e so ricerche nantu à e famiglie nobile di u rughjone, u prete Pergola hè natu u 24 di ghjunghju di u 1900 in Venacu (Corsica suprana), mortu in Oletta l’11 di ferraghju di u 1985. Era u figliolu di Jules François Pergola è di Jeanne Giacobbi. Hè statu prete à 22 anni.