Louis Leccia de Campori descendente d’issa famiglia chì s’hè stallata in Oletta à a fine di u 14^u seculu hè statu viciconsule di Francia in Porto Rico à l’entre di u 20^u seculu.

CARRUGHJU PAUL GUIDI

(09/01/1911 Oletta – 19/09/1996 Parigi)

Elevu di Paul Peretti in Oletta , fece una bellissima carriera in la diplomazia. Sarà amministratore di i servizii civilii d’Indoscina, Capi di u cabinettu di l’Altu cummissaru di Francia in Indoscina, Amministratore Sceffu di a Francia d’Oltre Mare, Cunsigliere di l’Affari Strangeri Africani, Direttore di l’Affari Africani è Malgasci, po ministri plenipotenziariu. In Indoscina, a so più bella prova armata hè stata di fà saltà I ponti di u Mecong cù un torpillore da ritardà l’avanzu giapponese. Fattu prigiuneru da i giapponesi, ordine era statu datu di taglià li u collu ma una gattiva trasmissione li francò a vita. Paul Guidi hè statu cunsiglieru generale di a Conca d’Oru da 1951 à 1964 (Rad).

Scalinata di A Pardina :Odonimu esistente.

Una pardina hè una casa arruinata.

A Macina :Odinimu esistente.

A macina era una rota di mulinu chì si truvava quì à una cruciata.

CARRUGHJU GENERALE OLETTA

U generale Oletta hà sottumessu in u 1936 tuttu u Nebbiu è hà livatu à a ghjente di Barbaghju è di Patrimoniu l’arme di Genuva chì li avia date per cumbate u Rè Tiadore, po hà riesciutu, cù Arrighi, à rispinghje I Sguizzari venuti à purtà li succorsu.

STRETTA DOMINIQUE GHIRLANDA

(14/09/1893 Oletta – 19/08/1914 Algolshein (Haute Alsace)

Dominique Ghirlanda fù u prima suldatu di u paese tombu à u Fronte di a a prima guerra mundiale. Suldatu di u 163^simu regimentu d’infanteria, Dominique Ghirlanda hè mortu per a Francia. Raprisenta cusì tutti l’Olitesi morti per a Francia in a Grande Guerra. Hè ancu un modu di fà onore à a famiglia di Ghirlanda chì hà datu tanti suldati à a Francia, in particulare : Jacques-François 1880-1962 ; Ange-Marie 1884-1967 ; François natu in u 1936, tutti à trè cavalieri di a Legion d’Onore.

A Costa :

Odonimu esistente indetta a cullata chì permette di sbuccà à u locu dettu a Costa.