U canonicu Paganacce hè statu vicariu furanu in San Fiurenzu. Era un omu coltu assai chì dete numerose cunfarenze nantu à e religione.

CARRUGHJU FREDIANU DE VIDAU

A famiglia de Vidau si hè liata cù u paese d’Oletta à l’entre di u dicienovesimu è avia a so casa à vicinu à a chjesa Sant’Andria. Ci funu in paese parechji matrimonii è nascite di a famiglia de Vidau. Frédien Vidau, sposu di Maria Lodovica Alessandrini, hè statu avucatu in u 1779, Bâtonnier di l’avucati. Hè statu numinatu Pricuratore di u Rè in u 1782. Fù in u 1803 ch’elli ricivi u titulu di Conte Rumanu. Chjamatu à u serviziu di a surella di Napuleone, Elisa Baciocchi, granduchezza di a Tuscana in u 1807, in quant’è Cunsiglieru di Statu, era tandu in carica di a reforma di a ghjustizia. In u 1814, vultatu in Bastia duve ella rughje a rivolta, hè elettu presidente di u « Cumitatu Supranu di a Cità di Bastia, Capitale di u Regnu di Corsica ». Merre di Bastia da u 1821 à u 1828. Cavalieru di l’Ordine Reale di a Legione d’Onore in u 1821.

CARRUGHJU JEAN FRANCHI
(09.03.1915, Oletta – 21.12.1946, Hanoï)

Jean Franchi hè natu in Oletta u 9 di Marzu di u 1915. Tinente numinatu à partesi da u 25 di Marzu di u 1946 à u gruppu blindatu di u Tonkin. Avia participatu  à a campagna di Francia 39-40. Prigiuneru, hè scappatu in u 1942. Hà urganizatu a resistenza contru à l’occupante da u 1942 à u 1943. Hà raghjuntu l’Africa di u Nordu è hè statu assignatu à a 2da DB. Sò què e note di u Generale Leclerc, ch’ellu ammirava Jean Franchi. Vulintariu per l’operazione in Oriente Strenu. Tombu  da u nemicu u 21 di dicembre di u 1946 à Hanoï. U 27 di ferraghju di u 1948, Dumencu, u babbu di Jean Franchi, riceve da Saigon una lettera di u Generale di Divisione Salan, chì l’oggettu ne hè : Morte di u tinente Franchi Jean. « Monsieur, in la vostra lettera di u 17 di nuvembre mi avete dumandatu unipochi di rinsignamenti nant’à u vostru figliolu tombu cumbattendu u 21 di dicembre di u 1946 à Hanoï. U tenente Franchi hè statu propostu pè una nominazione ind’è l’ordine Naziunale di a Legione d’Onore à titulu postumu per servizii di a guerra eccezziunali. Issa numinazione li hè stata cuncessa per decretu di u 30.08.1947, publicatu à u Journal Officiel di u 04.09.1947 ».