Sti risichi venenu d’un evenimentu putenzialmente periculosu chì si prucede nant’à una zona induve a salute di l’omi, l’ecunumia, è l’ambiente pone esse tuccati.

Dui criterii caratterizeghjanu sti risichi :

• Una frequenza debule
• Danni impurtanti: assai vittime, danni di u patrimoniu è di l’ambiente.
  
  

Ci sò duie categurie di risichi :

• I risichi naturali : inundazione, timpesta, fochi di furesta, seismu, canicula…
• I risichi tecnulogichi : risicu industriale, trasportu di materie periculose…
  
  

I risichi sanitari ponu esse cunsiderati cum’è un risicu maiò, cum’è per esempiu u Covid-19.

A cumuna hà elaburatu in u 2017 u so Pianu Cumunale di Prutezzione per privene una crisa. Stu pianu definisce, sottu à l’autorità di u merre, l’urganisazione previstu da a cumuna per assicurà l’alerta, l’infurmazione, a prutezzione è u sustegnu di a pupulazione per raportu à i risichi presenti nant’à u nostru territoriu.

A cumuna hà rinnuvellatu u Ducumentu d’Infuramzione Cumunale nant’à i Risichi Maiò chì s’aghjunghje à u Pianu Cumunale di Prutezzione. Issu ducumentu spiega a gestione di i risichi, e cunsigne di securità da rispettà, i mezzi per alertà s’ellu ci hè un risicu è e misure di prevenimentu pigliate da a cumuna per a securità di l’abitanti.

Una riserva cumunale di securità civile hè attiva nant’à a cumuna dipoi u 2012. Aiuta a squadra municipale participendu à u sustegnu d’aiutu di e pupulazione s’ellu ci hè una crisa. Participeghja dinò durante l’estate à u dispusitivu di surveglianza di l’incendii in lea cù u Serviziu d’Incendiu è di Sicorsu di a Corsica suprana.

Sè vo vulete fà parte di sta squadra, chjamate i nostri servizii per avè l’infurmazione nant’à e dimarchje.