Scola Paul Peretti

(1882 Ghjunchettu – Oletta 1959)

Paul Peretti hè natu in Ghjunchettu da e parte di Sartè. Compii i studii à a Scola Nurmale hè mubilizatu per a guerra di 14. Piglia parte à a battaglia di e Dardanelle.

Vultatu in Corsica, hè numinatu direttore di a scola d’Oletta; ci farà a prova di i so talenti pedagogichi da l’entre di l’anni 20 à a fine di l’anni 40. Fù dopu direttore di u Corsu Complementare di i Masci in Bastia.

Paul Peretti hà marcatu i spiriti è furmatu ghjente di qualità chì fecenu bellisime carriere, cum’è Paul Guidi, membru di a Sucetà di e scenze Storiche è Naturale di a Corsica. Paul Peretti hà scrittu una monografia nantu à Oletta è dinò nantu à Ghjunchetu, u so paese nativu. Era ufficiale di a struzzione publica, cavalieru di a Legion d’Onore è presidente di l’Associu di i Poilus d’Orient.