Oletta hà cunnisciutu assai turmenti è storie, hè statu un locu induve ci hè statu lotte eroiche, è hè per quessa ch’ellu hà seduttu assai viaghjadori di u mondu sanu. Ma Oletta hè cunnisciutu dinò per a so bellezza è a so richezza per via di a varietà di a so tarra è di u so rilievu, l’impurtenza di e so acque vive è a dulcezza di u tempu.
Oletta hè l’anzianu capilocu di u cantone di a Corsica suprana. A superficia d’Oletta hè di 2 661 ettare (26.61 chm²) cù un’altitudine di 0 à 959 metri. 1781 abitanti (ricensu publicatu in u 2019) cù una densità di 67 persone à u chm². Oletta hè rattaccatu à a cumunità di cumune Nebbiu Conca D’Oru.
Spassighjate tematiche, Museu d’arte sacra, lavu di Padula, attellu di terrame, attelli d’artisgiani, attelli d’artisti, mercatu artigianale di u cumbentu San Francescu… Oletta si sviluppa dipoi una decina d’anni in attrattività. Posta nant’à una cullina chì dumineghja a piaghja è u golfu di San Fiurenzu, Oletta vi mostra tutt’a so storia, un paese autenticu di Corsica induve e belle case abbondanu cù i so purtoni singulari. Andate puru ind’è e strette, vi purteranu : à u Museu d’arte sacra, ind’è ua butteca, à a Casa di u Miraculu d’Oletta, à u lavatoghju, à una funtana, ind’è un trattadore, ind’è un attellu di strumenti di musica, o in a chjesa barocca Sant’Andria.
Dipoi un quidecina d’anni a cumuna d’Oletta hà saputu avè l’inseme di l’arnesi è infrastrutture permettendu d’offre à tutti i so abitanti un locu di vita rassicurante cum’è a prisenza d’un supermercatu è di butteghe di prussimità, caffè, salone di tè, alloghji, residenze di turismu, resturanti, discoteche, attelli d’artisti, attività spurtive è girandulate. A cumuna d’Oletta face tuttu per accumpagnà vi à ogni tappe di a vostra vita….
Si ritrove ind’è u Nebbiu è a Conca d’Oru, paesi ricchi cù un patrimoniu architetturale, culturale è naturale. Ogni paese offre munumenti rimarchevuli cum’è a chjesa San Michele di Muratu, datata di u XIIs seculu, o a maestosa chjesa San Ghjuvanu di u XVIIs seculu di Santu Petru, visibile da a piazza di u paese d’Oletta.
U Nebbiu è a Conca d’Oru prupronenu vini naturali è nobili cù 33 duminii di l’Appellazione d’Urigine Cuntrullata Patrimoniu, una scelta tamenta d’artisgiani è di prudutti di u rughjone di qualità eccezziunale.
