Foru Albert Tozza

(1855 Oletta – Ghjennaghju 1923 Parigi)

Albert Tozza hè natu in u 1855 in una famiglia militare. U babbu Louis era Capitanu di Gendarmeria. S’era maritatu in u 1853 cù Thaddée Boccheciampe, di ceppu Oletesse. Da issu matrimoniu sò nati quattru zitelli, frà elli, Ernestine è Albert.

Dopu i so studii, entre ind’è l’insignamentu. Hè prufessore in Privas po in Aiacciu duve ellu stà qualci dece anni. Po volta in Parigi nantu à i banchi di a Sorbonne da appruntà l’agregazione. Hè numinatu officale di a Struzzione Publica di lugliu di u 1903.

Issu umanistu avia ind’è l’anni 1830 traduttu a Storia di a Corsica di Pietro Cirneo, è dedicatu issu libru à u conte di Gaalon Barzay.

U conte di Gaalon Barzay era cotutore di l’orfani di u Principe Léon de Lusignan d’Arménie. Quand’ellu insegnava in Privas, u professore Tozza avia cunnisciutu a surella di issi giovani principi chì hè morta giovana. Racoglie di i zitelli, Pierre è Léon de Lusignan d’Arménie, è per dà li un’educazione in raportu cù u so rangu, i si porta in Aiacciu.

Scrivanu ricunnisciutu, autore di parechji libri, solu o cù Aimé Giron, chì i più cunnisciuti, for di a traduzzione di a Storia di a Corsica, sò “Antinoüs”, “Les nuits de Bagdad”, “Un soir des Saturnales”, “le Bien-Aimé 1725”, “Le chant des proscrits Corses après la bataille de Ponte Novu”.

Albert Tozza hà ancu publicatu un librettu nantu à a stoira di u Miraculu d’Oletta. Hè ricevutu in quant’è membru titulare di a Société des gens de lettres de France in u 1921.