Bibbiuteca / Puntu d’Acessu Multimedia François Guarnieri

(18/02/1915  Sartè – 2006)

A vita sana di François Guarnieri hè stata dedicata à a scrittura, l’infurmazione è a cumunicazione.

Fù ellu à creà l’edizione corsa di Nice-Matin, à a fine di l’anni 40, edizione chì si sviluppò assai allora ch’ellu era direttore di l’agenza di Bastia.

À l’epica hà sapiutu sviluppà una reta di correspundenti lucali è soprattuttu furmà parechji ghjurnalisti oghje cunnisciuti è preziati.

Hè statu u prima ghjurnalistu à animà un’emissione di radiu settimanale in lingua corsa, valurizendu u nostru patrimoniu, a nostra cultura è a nostra lingua.

A scrittura di pezze di teatru, di nuvelle – in particulare Storia Sartinese è “Faits divers du pays corse” – cumedie – Un colpu a Zucca – li valsenu a ricunniscenza di i so pari.

Umanistu, di ceppu sartinese, issu omu di lettare è di cultura era attaccatu assai à u nostru paese ch’ellu mittia in risalti à ogni volta ch’ellu pudia.